ఒకటేమో త్రీజీ...

      డ్యుయల్‌ సిమ్‌లు ఎప్పటినుంచో వాడేస్తున్నాం. కాస్త కొత్తగా ఒకటేమో 3జీ సిమ్‌.. మరోటి 2జీ సిమ్‌తో వాడుకునేలా ఉంటే! ఇలాంటి డ్యుయల్‌ సిమ్‌ మొబైలే Lava Xolo A700. 4.5 అంగుళాల తాకేతెరతో రూపొందించారు. రిజుల్యుషన్‌ 960X540 పిక్సల్స్‌. 1Ghz డ్యుయల్‌ కోర్‌ ప్రాసెసర్‌, 512 ఎంబీ ర్యామ్‌, 4జీబీ స్టోరేజ్‌, మైక్రోఎస్‌బీ కార్డ్‌, ఆండ్రాయిడ్‌ 4.0 ఓఎస్‌తో పని చేస్తుంది. వెనక 5 మెగాపిక్సల్‌ కెమెరా, వీడియో ఛాటింగ్‌కి ముందు భాగంలో వీజీఏ కెమెరాల్ని ఏర్పాటు చేశారు. బరువు కేవలం 115 గ్రాములే. 9,1 ఎంఎం మందంతో నాజూకుగా తయారు చేశారు. మరిన్ని వివరాలకు http://goo.gl/7VelC

9 అంగుళాలు

      ఇప్పటి వరకూ చౌక ట్యాబ్లెట్‌ల తెర పరిమాణం 7 అంగుళాలే. కాస్త పెద్దగా ఉండే 9 అంగుళాలు కావాలంటే బడ్జెట్ డబుల్ అయినట్టే! కానీ, కొత్తగా మార్కెట్‌లో అందుబాటులోకి వచ్చిన Zen Ultratab A900 ట్యాబ్ ధర సుమారు రూ.7,999. తెర సైజు 9 అంగుళాలు. రిజల్యుషన్ 800x480 పిక్సల్స్. 1.5Ghz ప్రాసెసర్‌ని వాడారు. ర్యామ్ 512 ఎంబీ. ఇంటర్నల్ స్టోరేజ్ 4జీబీ, 1.3 మెగాపిక్సల్ కెమెరా ఉన్నాయి. ఆండ్రాయిడ్ 4.0 ఓఎస్‌తో పని చేస్తుంది. మెమొరీ సామర్థ్యాన్ని 32 జీబీ వరకూ పెంచుకునే వీలుంది. మరిన్ని వివరాలకు http://goo.gl/YyTHI

ఇదే తొలిసారి!

చూడ్డానికి 21.5 అంగుళాల మానిటర్‌లానే ఉంటుంది. కానీ, అదో లెడ్‌ టచ్‌స్క్రీన్‌ మానిటర్‌. ఆడ్రారయిడ్‌ 4.0 ఓఎస్‌తో పని చేస్తుంది. మునివేళ్లతో తాకుతూ మెయిల్స్‌ చెక్‌ చేయవచ్చు. వీడియోలు బ్రౌజ్‌ చేసి చూడొచ్చు. సోషల్‌ నెట్‌వర్క్‌ల గురించి ప్రత్యేకంగా చెప్పక్కర్లేదు. ఒక్కమాటలో చెప్పాలంటే ఇదో ట్యాబ్లెట్‌లా పని చేసే మానిటర్‌ అన్నమాట. దీన్ని సాధారణ ప్రాసెసర్‌కి కనెక్ట్‌ చేసి మానిటర్‌లా కూడా వాడుకునే వీలుంది. డ్యుయల్‌ కోర్‌ ప్రాసెసర్‌, 1 జీబీ ర్యామ్‌, 8 జీబీ స్టోరేజ్‌, వై-ఫై, మైక్రోఎస్‌డీ స్లాట్‌, మూడు యూఎస్‌బీ పోర్ట్‌లు, స్పీకర్లతో మానిటర్‌ని తయారు చేశారు. 1.3 మోగాపిక్సల్‌ వెబ్‌ కెమెరా ఉంది. హెచ్‌డీ రిజల్యుషన్‌ 1920X1080. ధర సుమారు రూ.31,999. వీడియో, ఇతర వివరాలకు http://goo.gl/u4kqt 

ది 'క్రోమ్‌బుక్'

నోట్‌బుక్‌లు... ఆల్ట్రాబుక్‌లు కాకుండా, కొత్తగా క్రోమ్‌బుక్ ఏంటబ్బా అనుకుంటున్నారా? గూగుల్ తయారు చేసిన క్రోమ్ ఆపరేటింగ్ సిస్టంతో ఇది పని చేస్తుంది. పేరు Acer C7 ChromeBook. 11.6 అంగుళాల తెరతో రూపొందించారు. స్క్రీన్ రిజల్యుషన్ 1366x768 పిక్సల్స్. డ్యుయల్ కోర్ ఇంటెల్ Celeron ప్రాసెసర్, 2జీబీ ర్యామ్, 320 జీబీ హార్డ్‌డ్రైవ్, 3 యూఎస్‌బీ పోర్ట్‌లు, హెచ్‌డీఎంఐ, వీజీఏ, కార్డ్‌రీడర్, ఈథర్నెట్‌పోర్ట్, హెచ్‌డీ వెబ్‌కెమెరా... సౌకర్యాలతో రూపొందించారు. బ్యాటరీ బ్యాక్అప్ నాలుగు గంటలు. 100 జీబీ స్పేస్‌ను రెండేళ్లపాటు గూగుల్ డ్రైవ్ నుంచి పొందొచ్చు. బరువు కేవలం 1.3 కేజీలు. ఇతర వివరాలకు http://goo.gl/1RGtN 

హెచ్‌టీసీ విండోస్ ఫోన్ 8ఎక్స్   
                    

       మనదేశంలో విండోస్ 8 ఆపరేటింగ్ సిస్టమ్‌తో రూపొందించిన ఫోన్లలో హెచ్‌టీసీ ముందుందని చెప్పొచ్చు. దివాళీ సంద ర్భంగా హెచ్‌టీసీ ఈ ఫోన్లను విడుదల చేసింది. 4.3 అంగుళాల డిస్‌ప్లే, హై రెజల్యూషన్, 1.5 జీహెచ్ జెడ్ డ్యుయల్ కోర్ ప్రాసెసర్, 1 జీబీ ర్యామ్, 16 జీబీ ఇంటర్నల్ స్టోరేజీ, 8 ఎంపీ కెమెరా, 2.1 ఎంపీ ఫ్రంట్ కెమెరా, ఆల్ట్రావైడ్ యాంగిల్ లెన్స్ ఇందులో ఉన్న ఫీచర్లు. ఆడియో యాంపిఫైయర్ల వల్ల మంచి సౌండ్ క్వాలిటీ ఉంటుంది. స్కై డ్రైవ్‌లో 7 జీబీ వరకు స్టోరేజ్ ఉచితంగా ఇన్‌బిల్ట్ చేసి ఉంటుంది. దీని ధర 35, 023 రూపాయలు. 

మైక్రోమ్యాక్స్ ఏ110 సూపర్‌ఫోన్

           మైక్రోమ్యాక్స్ గతంలో విడుదల చేసిన ఏ 100 మాదిరిగానే ఈ ఫోన్ ఉంటుంది. కాకపోతే హార్డ్‌వేర్‌ని బాగా అప్‌డేట్ చేశారు. దీన్ని సూపర్ ఫోన్ కాన్వాస్2గా, ఫ్యాబ్‌పూట్ (ఫోన్ + టాబ్లెట్ పీసీ)గా పిలుస్తున్నారు. 5 అంగుళాల స్క్రీన్, 854 x 480 స్క్రీన్ రెజల్యూషన్, 1 జీహెచ్‌జెడ్ డ్యుయల్ కోర్ ప్రాసెసర్, 8 ఎంపీ కెమెరా విత్ ఎల్‌ఈడీ ఫ్లాష్; 9.7 ఎంఎం మందం, 2,000 ఎంఏహెచ్ బ్యాటరీ ఈ అప్‌క్షిగేడ్ చేసింది. మిగిలినవి 4 జీబీ ఇంటర్నల్ స్టోరేజ్ నుంచి 32 జీబీ వరకు ఎక్స్‌పెండబుల్‌గా, డ్యుయల్ సిమ్ స్లాట్‌లను, 3జీ, వై-ఫైలను, బ్లూటూత్ 3.0ని, వీజీఏ ఫ్రంట్ కెమెరా, ఆండ్రాయిడ్ 4.0లను అలాగే ఉంచింది. మైక్రోమ్యాక్స్ సొంత యాప్ స్టోర్ నుంచి ఇందులో కొన్ని యాప్స్ ప్రీలోడ్ చేసి ఉన్నాయి. దీని ధర 9,990 రూపాయలు. 

లినోవా ఐడియా ఫోన్ కె 860

     ల్యాప్‌టాప్‌లు, డెస్క్‌టాప్‌ల తయారీలో పెద్ద కంపెనీగా పేరొందిన లినోవా ఇప్పుడు స్మార్ట్‌ఫోన్ల సెగ్మెంట్‌లోకి అడుగుపెట్టింది. ఐడియా ఫోన్ కె860తో ఇది మార్కెట్‌లోకి అడుగుపెట్టింది. దీన్ని కూడా పాబ్లెట్ ఫోన్‌గా చెప్పుకోవచ్చు. 9.5 ఎంఎం మందం, 190 గ్రాముల బరువుండే ఈ ఫోన్ ఆండ్రాయిడ్ 4.0 ఆపరేటింగ్ సిస్టమ్‌పై పనిచేస్తుంది. 5 అంగుళాల స్క్రీన్, 1280 x 720 స్క్రీన్ రెజల్యూషన్, 1.4 జీహెచ్‌జెడ్ క్వాడ్ కోర్ ప్రాసెసర్, 1 జీబీ ర్యామ్, క్వాడ్ కోర్ మలీ 400 గ్రాఫిక్స్, 8 జీబీ ఇంటర్నల్ స్టోరేజీ ఎక్స్‌పెండబుల్, 8 ఎంపీ ఆటో ఫోకస్ కెమెరా(ఇది బర్ట్స్ మోడ్‌లో వరుసగా వంద ఫోటోల్ని తీయగలదు) 2 ఎంపీ కెమెరా, వీడియో కాలింగ్ ఇందులో ఉన్న ఫీచర్లు. దీని ధర 28, 499 రూపాయలు.

బ్లూటూత్‌ స్పీకర్‌....

      చూస్తుంటే ఇదేదో టేప్‌రికార్డర్‌లా ఉందే అనుకునేరు. ఇదో బ్లూటూత్‌ స్పీకర్‌. పేరు Harman JBL OnBeat aWake. ఐఫోన్‌, ఐప్యాడ్‌, ఐపాడ్‌లకు ప్రత్యేకం. అలారం సెట్‌ చేసుకోవచ్చు. అందుకు అనువైన AmpUp అప్లికేషన్‌ని డివైజ్‌లో ఇన్‌స్టాల్‌ చేసుకోవాలి. చిత్రంలో మాదిరిగా స్పీకర్‌కి ముందు భాగంలో డిస్‌ప్లేని ఏర్పాటు చేశారు. దాంట్లోని కంట్రోల్స్‌తో స్పీకర్‌ని వాడుకో వచ్చు. ఇతర వివరాలకు http://goo.gl/w4wjf

ఒక్కటే.. కానీ రెండు!

  ఆధునిక ఆల్ట్రాబుక్‌ని కొనుగోలు చేసి దాన్నే ట్యాబ్లెట్‌లా వాడుకోవాలంటే డెల్‌ కంపెనీ తయారు చేసిన XPS 12 Ultrabook గురించి తెలుసుకోవాల్సిందే. 12.5 అంగుళాల తాకే తెరతో రూపొందించారు. రిజల్యుషన్‌ 1920X1080. చిత్రంలో మాదిరిగా తెరని తిప్పి ట్యాబ్లెట్‌లా వాడుకునే వీలుంది. అందుకు అనువుగా అల్యూమినియం రిమ్‌ని తెర చుట్టూ ఏర్పాటు చేశారు. అల్ట్రాబుక్‌ బరువు 1.5 కేజీలు. 'విండోస్‌ 8 ప్రో' ఓఎస్‌తో పని చేస్తుంది. థర్డ్‌ జనరేషన్‌ ఇంటెల్‌ ప్రాసెసర్‌, 8 జీబీ ర్యామ్‌, ఇంటెల్‌ హెచ్‌డీ 4000 గ్రాఫిక్స్‌, 256 జీబీ ఎస్‌ఎస్‌డీ స్టోరేజ్‌, గ్లాస్‌ టచ్‌ప్యాడ్‌, యూఎస్‌బీ 3.0 పోర్ట్‌లతో రూపొందించారు. ధర సుమారు రూ.90,490. మరిన్ని వివరాలకు http://goo.gl/CVMmZ

గూగుల్ ‘నెక్సస్’ వరద!

నెక్సస్ -7తో టాబ్లెట్ ప్రపంచంలోకి అడుగుపెట్టిన గూగుల్ కంపెనీ మరో ముందడుగేసింది. లేటెస్ట్ వెర్షన్ ఆండ్రాయిడ్ ఆపరేటింగ్ సిస్టమ్ జెల్లీబీన్‌తోపాటు మూడు రకాల స్మార్ట్‌ఫోన్, టాబ్లెట్‌లను మార్కెట్‌లోకి ప్రవేశపెట్టింది. ఈ నెల 13వ తేదీ నుంచి మొదట కొన్ని దేశాల్లో మాత్రమే అందుబాటులోకి వచ్చే ఈ మూడు ఉత్పత్తులు రెండు మూడు నెలల్లో భారత్‌లోనూ లభించనున్నాయని అంచనా. అత్యాధునిక ఫీచర్లు కలిగిన ఆ మూడు గూగుల్ ఉత్పత్తుల గురించి స్థూలంగా...

నెక్సస్ -4 స్మార్ట్‌ఫోన్

ప్రముఖ ఎలక్ట్రానిక్స్ కంపెనీ ఎల్‌జీతోపాటు గూగుల్ తయారు చేసిన నెక్సస్ -4 స్మార్ట్‌ఫోన్ శక్తిమంతమైన క్వాడ్‌కోర్ ప్రాసెసర్‌తో పనిచేస్తుంది. 4.7 అంగుళాల (320 పీపీఐ) డిస్‌ప్లేతో యూట్యూబ్, ఫొటోలు మరింత స్పష్టంగా కనిపిస్తాయని కంపెనీ చెబుతోంది. అంతేకాకుండా ఈ స్మార్ట్‌ఫోన్‌ను ఛార్జ్ చేసుకునేందుకు తీగల అవసరమేమీ ఉండదు. ఛార్జింగ్ సర్ఫేస్‌పై ఫోన్‌ను ఉంచితే చాలు. ఇక ఆండ్రాయిడ్ ఆపరేటింగ్ సిస్టమ్ జెల్లీబీన్‌ను మరింత ఆధునికీకరించి 4.2 ఫ్లేవర్‌గా వాడారు. ఈ కొత్త ఆపరేటింగ్ సిస్టమ్‌లో ముఖ్యంగా చెప్పుకోవాల్సింది ఫొటో స్ఫియర్ గురించి. పనోరమా ఫోటోలు తీసేందుకు ఉపయోగపడే ఫీచర్ ఇది. మీరు తీయాలనుకున్న ఫొటోలను రకరకాల యాంగిల్స్‌లో తీసి వాటన్నింటినీ పనోరమాగా మార్చేస్తుంది. టైపింగ్‌ను మరింత సులువు చేసేందుకు జెల్లీబీన్ 4.2లో గెస్చర్ టైపింగ్‌ను ఏర్పాటు చేశారు. మీరు టైప్ చేయాలనుకున్న పదాల్లోని అక్షరాలపై వేళ్లను పైపైన కదిలిస్తే చాలు.. పదం టైప్ అవుతుందన్నమాట. 

మరింత పలుచగా నెక్సస్ -7

గూగుల్ కంపెనీ కొన్ని నెలల క్రితం విడుదల చేసిన టాబ్లెట్ పీసీ ఇది. మరింత ఆధునికీకరించి... జెల్లీబీన్ 4.2 ఆపరేటింగ్ సిస్టమ్‌ను జోడించి తాజాగా విడుదల చేశారు. 16 గిగాబైట్ల స్టోరేజీ సామర్థ్యమున్న నెక్సస్ -7 దాదాపు రూ.11 వేలకు అందుబాటులో ఉండగా 32 గిగాబైట్ల టాబ్లెట్ ఖరీదు రూ.14 వేల వరకూ ఉంటుంది. హెచ్‌ఎస్‌పీఏ+ మొబైల్ డేటా ఆప్షన్‌తోపాటు కావాలనుకుంటే మరో మూడు వేల రూపాయలు ఎక్కువ ఖర్చు అవుతుంది. ఎన్‌విడియా టెగ్రా -3 క్వాడ్‌కోర్ ప్రాసెసర్‌తో వచ్చే నెక్సస్ -7తో ఏకకాలంలో అనేక అప్లికేషన్లను సులువుగా రన్ చేసుకోవచ్చునన్నమాట. తొమ్మిది గంటల వీడియో ప్లేబ్యాక్, పది గంటల వెబ్ బ్రౌజింగ్ చేసుకోగల బ్యాటరీ దీని సొంతం. 

నెక్సస్ -10

 ప్రస్తుతం మార్కెట్‌లో ఉన్న అన్ని టాబ్లెట్లకంటే ఎక్కువ రెజల్యూషన్ ఉన్న స్క్రీన్ దీని సొంతం. శాంసంగ్ కంపెనీతో కలిసి తయారు చేసిన 10 అంగుళాల ఈ నెక్సస్ -10 టాబ్లెట్ కూడా జెల్లీబీన్ 4.2తో పనిచేస్తుంది. అంతేకాదు... దాదాపు తొమ్మిది గంటల వీడియో చూసేందుకు వీలుకల్పించే శక్తిమంతమైన బ్యాటరీను ఏర్పాటు చేశారు దీంట్లో. ఫ్రంట్ స్పీకర్ల కలిగి ఉండే ఈ టాబ్లెట్‌పై సినిమా చూడటం ఓ అనుభూతిగా మిగిలిపోతుందని కంపెనీ చెబుతోంది. ఒకే టాబ్లెట్‌ను ఎక్కువ మంది ఉపయోగించుకునే సందర్భాల్లో ఎవరికివారు తమదైన హోమ్ స్క్రీన్లను ఏర్పాటు చేసుకునేందుకు కూడా ఇందులో ప్రత్యేక ఏర్పాట్లు ఉన్నాయి. టాబ్లెట్‌ను ఆన్ చేసి మీ ఫొటోపై తడితే చాలు.. మీకే సొంతమైన హోమ్‌స్క్రీన్ ప్రత్యక్షమవుతుంది.

టెక్‌బజార్

ఎల్‌జీ ఆప్టిమస్ Vu 

ఎల్‌జీ కంపెనీ లేటెస్ట్ స్మార్ట్‌ఫోన్ ఇది. పేరు ఆప్టిమస్ వియు. స్క్రీన్ పొడవు 5 అంగుళాలు. 4:3 నిష్పత్తి(1024 x 768 pixel) లో హెచ్‌డీ-ఐపీఎస్ డిస్‌ప్లేని కలిగి ఉంటుంది. బరువు 168 గ్రాములు. కెపాసిటివ్ టచ్ స్క్రీన్ ఉండే ఈ ఫోన్ పెన్‌తో ఇన్‌పుట్‌ని తీసుకుంటుంది. 1.3 జీహెచ్‌జెడ్ క్వార్డ్ కోర్ ఎన్‌వీడియా టెగ్రా 3 ప్రాసెసర్‌ని కలిగి ఉంటుంది. 1 జీబీ ర్యామ్, 32 జీబీ ఇంటర్నల్ మెమరీ (ఎక్స్‌పెండబుల్) దీని సొంతం. ఆండ్రాయిడ్ 4.0 ఆపరేటింగ్ సిస్టమ్‌తో పనిచేస్తుంది. 8ఎంపీ ప్రైమరీ కెమెరా, 1.3ఎంపీ ఫ్రంట్ కెమెరాని కలిగిఉంటుంది. 2,080 ఎంఏహెచ్ బ్యాటరీ ఉంటుంది. జీఫోర్స్ గ్రాఫిక్స్, డైరెక్ట్ వై-ఫై, డీఎల్‌ఎన్‌ఏ, ఎన్‌ఎఫ్‌సీ, స్టీరియో ఎఫ్‌ఎమ్, జీపీఎస్, ఎంహెచ్‌ఎల్ ద్వారా టీవీ-అవుట్ దీనిలో ఉన్న ప్రత్యేకమైన ఫీచర్లు. దీని ధర 34,500 రూపాయలు. 

నోకియా లుమియా 510 

నోకియా లుమియా సిరీస్‌లో భాగంగా 510 ఫోన్‌ని విడుదల చేసింది. విండోస్ 7.5 ఓఎస్‌తో పనిచేసే బడ్జెట్ ఫోన్ ఇది. 4 అంగుళాల ఎల్‌సీడీ (800 x 480 pixel) స్‌ప్లే, 800 ఎంహెచ్‌జెడ్ ప్రాసెసర్, 256 ఎంబీ ర్యామ్, 4 జీబీ ఇంటర్నల్ స్టోరేజీ (నాన్ ఎక్స్‌పెండబుల్) దీని ఫీచర్లు. ఈ ఫోన్ ద్వారా స్కైడ్రైవ్‌లో 7జీబీ స్టోరేజీ ఉచితంగా లభిస్తుంది. 5 ఎంపీ రేర్ కెమెరా, బిల్ట్ ఇన్ వై-ఫై, బ్లూటూత్ కనెక్టివిటీ ఇందులో ఉంటుంది. ఇతర లుమియా ఫోన్లలాగే నోకియా మ్యాప్స్, నోకియా ట్రాన్స్‌పోర్ట్, నోకియా డ్రైవ్ లాంటి ఫీచర్లు ప్రీలోడ్ చేసి ఉంటాయి. ఈ ఫోన్ ద్వారా నోకియా మ్యూజిక్‌లో మూడు నెలల ఉచిత సబ్‌స్క్రిప్షన్ లభిస్తుంది. నవంబర్ మొదటి వారం నుంచి ఈ ఫోన్ మార్కెట్‌లో అందుబాటులో ఉంటుంది. దీని ధర 10,999 రూపాయలు. 

హెచ్‌టీసీ డిజైర్ ఎక్స్ 

హెచ్‌టీసీ రూపొందించిన లేటెస్ట్ ఆండ్రాయిడ్ ఫోన్ డిజైర్ ఎక్స్. ఈ ఫోన్ 4 అంగుళాల కెపాసిటివ్ టచ్ స్క్రీన్ (800 x 480 pixel), 114 గ్రాముల బరువు, 9.3 ఎంఎం మందం ఉంటుంది. ్యక్ ల్యుమినేటెడ్ ఫీచర్ ఉండే 5 ఎంపీ కెమెరా 28 ఎంఎం లెన్స్, ఎల్‌ఈడీ ఫ్లాష్‌లైట్, వీడియో రికార్డింగ్ ఫీచర్లు ఉన్నాయి. 1 జీహెచ్‌జెడ్ డ్యుయల్ కోర్ క్వాల్‌కమ్ స్నాప్‌డ్రాగన్ ప్రాసెసర్‌తో ఇది పనిచేస్తుంది. 768 ఎంబీ ర్యామ్, 4 జీబీ ఇంటర్నల్ మెమరీ (ఎక్స్‌పెండబుల్ వయా మైక్రో ఎస్‌డీ కార్డ్), 1,650 ఎంఏహెచ్ బ్యాటరీ ఇందులో ఉంటాయి. వై-ఫై, బ్లూటూత్ 4.0, 25 జీబీ డ్రాప్‌బాక్స్ ఇందులో ఉండే అదనపు ఫీచర్లు. దీని ధర 19,799 రూపాయలు. 

ఐబాల్ స్లైడ్ ఐ9702 

ఐబాల్ మరో బడ్జెట్ టాబ్లెట్ పీసీని విడుదల చేసింది. 9.7 అంగుళాల స్క్రీన్ ఉండే ఈ టాబ్లెట్‌ని స్లైడ్ ఐ9702 పేరుతో పిలుస్తున్నారు. క్వార్డ్ కోర్ మాలీ 400 గ్రాఫిక్స్‌తో రూపొందిన మొదటి టాబ్లెట్ ఇది. 1.5 జీహెచ్‌జెడ్ డ్యుయల్ కోర్ ప్రాసెసర్, 1 జీబీ ర్యామ్, 8 జీబీ ఇంటర్నల్ స్టోరేజీ (ఎక్స్‌పెండబుల్), 8,000 ఎంఏహెచ్ బ్యాటరీతో ఇది 7 గంటల పాటు పనిచేస్తుంది. ఇందులో 2 ఎంపీ ఫ్రంట్, రేర్ కెమెరాలు ఉన్నాయి. ఆండ్రాయిడ్ 4.0 ఆపరేటింగ్ సిస్టమ్‌తో పనిచేసే ఈ టాబ్లెట్‌లో ఫేస్‌బుక్, జొమాటో, నీమ్‌బుజ్, క్రికెట్ నెక్ట్స్, డాక్యుమెంట్ వ్యూవర్ లాంటి యాప్స్ లోడ్ చేసి ఉన్నాయి. దీని ధర 14,999 రూపాయలు. 

ఫ్యూజీ ఫిల్మ్ ఎక్స్‌ఎఫ్1 

ఫ్యూజీ రూపొందించన ప్రీమియమ్ కంపాక్ట్ కెమెరా ఇది. అల్యూమినియం బాడీ, సింథటిక్ లెదర్ కవర్‌తో మూడు రంగుల్లో లభిస్తుంది. 12 ఎంపీ సీఎంఓఎస్ సెన్సార్, పాప్‌అప్ ఫ్లాష్, ఫుల్ మ్యాన్యువల్ కంట్రోల్, వైడ్ యాంగిల్ లెన్స్, 4ఎక్స్ మ్యాన్యువల్ ఆప్టికల్ జూమ్, ఆప్టికల్ ఇమేజ్ స్టెబిలైజేషన్, 10ఎఫ్‌పీఎస్ కంటిన్యూస్ షూటింగ్ స్పీడ్, 3 అంగుళాల బ్యాక్ ఎల్‌సీడీ దీనిలో ఉన్న ఫీచర్లు. గ్రాముల బరువుండే దీని ధర 33,989 రూపాయలు.

నోకియా ఆశ

                                        

  

మోడల్ : 311

ధర : 7,139

స్పెసిఫికేషన్స్ : 3 అంగుళాల టచ్ స్కీన్, 1 జీహెచ్‌జెడ్ ప్రాసెసర్, 128  ర్యామ్, వై-ఫై, 3.2 ఎంపీ కెమెరా, 1110 ఎంఏహెచ్ బ్యాటరీ, 95 గ్రా॥  బరువు

ప్లస్‌లు : మంచి టచ్ స్క్రీన్, అద్భుతమైన పెర్ఫామెన్స్, నాణ్యమైన, ఆడియో వీడియో, గుడ్ బ్యాటరీ లైఫ్ 

మైనస్‌లు : కెమెరా, డిస్‌ప్లే, జీపీఎస్ లేదు

ఫోనూ... ప్రింటర్!

                  ఐఫోన్, ఆండ్రాయిడ్ మొబైళ్లను వాడుతున్నారా? అయితే, మొబైల్‌లో తీసుకున్న ఫొటోలను చిటికెలో ఫొటో ప్రింట్స్ తీసుకోవచ్చు. అందుకు Bolle BP-10 Photo Printer ఉంటే చాలు. చిత్రంలో చూపిన మాదిరిగా మొబైల్‌ని బుల్లి ప్రింటర్‌కి కనెక్ట్ చేసి ఫొటోలు ప్రింట్ ఇవ్వొచ్చు. 4x6 అంగుళాల పరిమాణంలో ప్రింట్స్ వస్తాయి. రిజల్యుషన్ 300 డీపీఐ. ప్రింటర్‌లో ఎలాంటి ఇంక్ క్యాడ్రిడ్జ్‌ని వాడకపోవడం దీంట్లోని ప్రత్యేకత. వాడే పేపర్‌లోనే రంగుల్ని నిక్షిప్తం చేశారు. దీంట్లో డాక్ చేసిన పరికరాల్ని ఛార్జ్ చేస్తుంది కూడా. ధర సుమారు రూ.8,800. మరిన్ని వివరాలకు http://goo.gl/2udnV

మరో రెండు ట్యాబ్‌లు! 

                         బడ్జెట్ ట్యాబ్లెట్‌ల జోరు పెరుగుతోంది. WickedLeak కంపెనీ రెండు ట్యాబ్‌లు అందుకు ఉదాహరణ. వీటి పేర్లు Wammy Desire & Athena. రెండూ ఆండ్రాయిడ్ 4.1 ఓఎస్‌తో పని చేస్తాయి. 1.5 Ghz డ్యుయల్‌కోర్ ప్రాసెసర్, 1 జీబీ ర్యామ్, mali 400 గ్రాఫిక్స్‌ని వాడారు. డిజైర్ తాకేతెర పరిమాణం 7 అంగుళాలు. రిజల్యూషన్ 800x480. ఇంటర్నల్ స్టోరేజ్ 8 జీబీ. ముందుభాగంలో వీజీఏ కెమెరాని ఏర్పాటు చేశారు. ధర సుమారు రూ.6,500. ఇక Athena ట్యాబ్ తెర సైజు 9.7 అంగుళాలు. రిజల్యూషన్ 1024x768 పిక్సల్స్. ఇంటర్నల్ స్టోరేజ్ 16జీబీ. 2 మెగాపిక్సల్ పరిమాణం ఉన్న డ్యుయల్ కెమెరాల్ని వాడారు. ధర సుమారు రూ.13,999. రెండిటిలోనూ వై-ఫై, హెచ్‌డీఎంఐ అవుట్‌పుట్ సదుపాయాలు ఉన్నాయి. 

http://goo.gl/m5fO1

అకాయ్ స్మార్ట్ బాక్స్

టీవీల్లోనే అంతర్జాలాన్ని శోధించడానికి ఉపయోగపడే 'స్మార్ట్ బాక్స్'ను అకాయ్ ప్రవేశపెట్టింది. ధర రూ.6,590. ఆండ్రాయిడ్ ఆధారితంగా ఇది పనిచేస్తుంది. 1.25 జీహెచ్‌జడ్ ప్రాసెసర్‌ను, 4జీబీ అంతర్గత మెమొరీని జత చేశారు. దీనిని 32 జీబీ వరకు విస్తరించుకోవచ్చు. నేవిగేషన్ కోసం ఒక వైర్‌లెస్ మౌస్ ఇస్తారు. ఇది వైఫై, బ్రాడ్‌బ్యాండ్ కనెక్షన్‌ను ఉపయోగించి వీడియోలు, గేములు, వెబ్‌సైట్‌ల వంటి కంటెంటును వినియోగదారులు యాక్సెస్ చేసుకొనేందుకు తోడ్పడుతుంది. స్మార్ట్ బాక్స్‌కు 4 యూఎస్‌బీ పోర్టులు, హార్డ్ డ్రైవ్‌లు ఉంటాయి. ఈ పరికరం ల్యాన్, వైఫైలతో పాటు 3జీని ఉపయోగించుకొంటూ అంతర్జాలానికి అనుసంధానాన్ని ఏర్పరుస్తుంది.
పెంటా టీ ప్యాడ్ టాబ్లెట్లు

* డాంగిల్ ఆధారితం రూ.7,499
* సిమ్ అమర్చుకునేది రూ.14,699
* బీఎస్ఎన్ఎల్ డేటా ఆఫర్లతో లభ్యం
రాష్ట్ర విపణిలోకి బీఎస్ఎన్ఎల్ డేటా  ఆఫర్లతో   రెండు   టాబ్లెట్ పీసీలను  పాంటెల్ టెక్నాలజీస్ (పీపీటీఎల్) విడుదల చేసింది. 7 అంగుళాల కెపాసిటివ్ తాకే తెర, 1 జీబీ ప్రాసెసర్, 8జీబీ అంతర్గత మెమొరీ, వైఫై, హెచ్‌డీఎంఐ, యూఎస్‌బీ డాంగిల్    అమర్చుకునే     సదుపాయం, ఆండ్రాయిడ్ 4.0.3 (ఐస్‌క్రీమ్ శాండ్‌విచ్)  ఆపరేటింగ్ సిస్టమ్ కలిగిన ఐఎస్703సీ   టాబ్లెట్ ధ ర రూ.7,499 కాగా, రూ.1,500 విలువైన బీఎస్ఎన్ఎల్ 3జీ డాంగిల్ ఉచితంగా ఇస్తారు.

కొత్తగా కీబోర్డ్‌లు

ట్యాబ్లెట్ యూజర్లకు అదనపు క్వర్టీ కీబోర్డు అవసరం ఎక్కువే. అలాంటి వారికి లాగీటెక్ కంపెనీ కొత్తగా కీబోర్డ్ కేస్‌లను అందుబాటులోకి తెచ్చింది. ఐప్యాడ్‌కి ఇవి ప్రత్యేకం. చిత్రంలో చూపిన మాదిరిగా కీబోర్డ్‌ని పల్చటి కవర్, సోలార్ సెల్స్‌తో రూపొందించారు. బ్లూటూత్ కనెక్షన్‌తో ట్యాబ్‌ని కీబోర్డ్‌కి కనెక్ట్ చేయాలి. టైపింగ్‌కి అనువుగా ట్యాబ్‌ని కావాల్సిన యాంగిల్‌లో పెట్టుకోవచ్చు. కేస్‌లో ఏర్పాటు చేసిన సోలార్ సెల్స్ ద్వారా బ్లూటూత్ కీబోర్డ్ ఎప్పటికప్పుడు ఛార్జ్ అవుతుంది. వీడియో, ఇతర వివరాలకు http://goo.gl/QbluV, http://goo.gl/Uipk6

హెచ్‌సీఎల్ కొత్త ట్యాబ్లెట్ వెర్షన్‌

హెచ్‌సీఎల్ మరో కొత్త ట్యాబ్లెట్ వెర్షన్‌ ను మార్కెట్‌లో ప్రవేశపెట్టింది. పేరు HCL ME Y2. ఇన్‌బిల్డ్‌గా ఏర్పాటు చేసిన 3జీ సౌకర్యంతో వీడియో కాలింగ్ చేసుకోవచ్చు. అందుకు ప్రత్యేక సిమ్‌కార్డ్ స్లాట్ ఉంది. దీని తాకే తెర పరిమాణం అంగుళాలు. రిజల్యుషన్ 1024x600 పిక్సల్స్. ఆండ్రాయిడ్ 4.0, 1 జీబీ ర్యామ్, మాలి 400 జీపీయూ, 8 జీబీ ఇంటర్నల్ స్టోరేజ్, వెనక భాగంలో 2 మెగాపిక్సల్ కెమెరా, ముందు వీజీఏ కెమెరా, హెచ్‌డీఎంఐ, మినీ యూఎస్‌బీ పోర్ట్ సౌకర్యాలతో పని చేస్తుంది. హెచ్‌సీఎల్ అందిస్తున్న ME App Store నుంచి అప్లికేషన్లను డౌన్‌లోడ్ చేసుకుని వాడుకోవచ్చు. దీని బరువు 368 గ్రాములు. ధర సుమారు రూ.14,999. http://goo.gl/wHL3f

టెక్ బజార్

హెచ్‌పీ స్పెక్టర్ ఎక్స్‌టీ

ఇది 13.3 అంగుళాల ఆల్ట్రా బుక్. ప్రీమియం మెటీరియల్స్‌తో రూపొందించిన దీని బరువు 1.4 కేజీలు. 14.5ఎంఎ మందం ఉంటుంది. యూఎస్‌బీ పోర్ట్స్, ఎంథెర్‌నెట్, హెచ్‌డీఎమ్‌ఐ, ఆడియో టాక్, ఎస్‌డీ కార్డ్ రీడర్‌ని కలిగి ఉంటుంది. థర్డ్ జనరేషన్ ఇంటెల్ కోర్ ఐ5 ప్రాసెసర్, 4జీబీ ర్యామ్, ఇంటెల్ హెచ్‌డీ 4000 గ్రాఫిక్స్ ఇందులో ఉండే ఫీచర్లు. 128, 256 జీబీ ఎస్‌ఎస్‌డీ స్టోరేజీలను మీరు ఎంచుకోవచ్చు. విండోస్ 7 హోమ్ ప్రీమియం ఓఎస్‌తో పనిచేస్తుంది. దీని బ్యాటరీ ఎనిమిది గంటల పాటు పనిచేస్తుందని హెచ్‌పీ చెబుతోంది. దీని ధర 64,990 రూపాయలు. 

స్యామ్‌సంగ్ గెలాక్సీ నోట్2

స్యామ్‌సంగ్ గెలాక్సీ నోట్2లో కొన్ని ఇంట్రెస్టింగ్ ఫీచర్లు ఉన్నాయి. అంతకుముందు దానికంటే దీన్ని ఇన్నోవేటివ్‌గా అప్‌గ్రేడ్ చేశారు. 9.7 ఎంఎం మందాన్ని 9.4 ఎంఎంకి తగ్గించారు. 5.3 అంగుళాల స్క్రీన్‌ని 5.5ఎంఎంకి పెంచారు. 1.6 జీహెచ్‌జెడ్ క్వాడ్‌కోర్ ప్రాసెసర్, 2 జీబీ ర్యామ్, 64జీబీ మైక్రో ఎస్‌డీ కార్డ్ సపోర్ట్, 3,100 ఎంఏహెచ్ బ్యాటరీ ఇందులో ఉన్నాయి. ఆండ్రాయిడ్ 4.1 ఓఎస్‌తో పనిచేస్తుంది. ఎస్-పెన్‌తో రాయడానికి చాలా స్టైలిష్‌గా ఉంది. దీని ధర 39,990 రూపాయలు. 

ఐడియా ఆరుస్

ఐడియా ఆరుస్ అనేది ఒక డ్యుయల్ సిమ్ ఫోన్. డ్యుయల్ స్టాండ్‌బై(one SIM active at a time)ని కలిగి ఉంటుంది. రెండింట్లో ఒకటి మాత్రమే 3జీ కనెక్టివిటీని సపోర్ట్ చేస్తుంది. 3.5 అంగుళాల డిస్‌ప్లే ఉండే ఈ ఫోన్ ఆండ్రాయిడ్ 2.3 ఓఎస్‌తో పనిచేస్తుంది. 800 ఎంహెచ్‌జెడ్ ప్రాసెసర్, 512 ఎంబీ ర్యామ్‌ని కలిగి ఉంటుంది. 32 జీబీ వరకు ఎక్స్‌టెర్నల్ స్టోరేజీ ఉంది. 136 గ్రాముల బరువుండే ఈ ఫోన్‌లో 5 ఎంపీ కెమెరా, వీజీఏ ఫ్రంట్ కెమెరా, వై-ఫై, బ్లూటూత్ ఉన్నాయి. ఈ డివైజ్‌లో ఐడియా తన సొంత యాప్ స్టోర్ అయిన ఐడియా యాప్ మాల్‌లోని కొన్నింటిని ప్రీలోడ్ చేసింది. ఆండ్రాయిడ్ మేనేజర్, ఫేస్‌బుక్, పిక్‌సే, రింగ్రాయిడ్, షాజమ్, ట్విట్టర్‌లాంటివి అందులో ఉన్నాయి. దీని ధర 7,190 రూపాయలు.

సోనీ ఎక్స్‌పెరియా టిపో

ఇది సింగిల్ సిమ్, డ్యుయల్ సిమ్ వేరియంట్‌లలో దొరుకుతోంది. ఎక్స్‌పెరియా టిపో అనేది సోనీ రూపొందించిన కంపాక్ట్, లైట్ వెయిట్ ఫోన్. 3.2 అంగుళాల డిస్‌ప్లేని కలిగి ఉంటుంది. ఆండ్రాయిడ్ 4.0 ఓఎస్‌తో పనిచేస్తుంది. 800ఎంహెచ్‌జెడ్ ప్రాసెసర్ ఉంది. 512 ఎంబీ ర్యామ్, 2.9 జీబీ బిల్ట్ ఇన్ మెమరీ దీని సొంతం. 3.2 ఎంపీ రేర్ కెమెరా వీజీఏ రిజెల్యూషన్ వీడియోలను కూడా రికార్డ్ చేస్తుంది. Box.net నుంచి 50 జీబీ క్లౌడ్ స్టోరేజీని ఉపయోగించుకోవచ్చు. వొడాఫోన్ యూజర్లు 500ఎంబీ సెల్యూలార్ డేటాని మొదటి మూడు నెలల వరకు ఉచితంగా పొందొచ్చు. దీని ధర 9,999 రూపాయలు. 

లాగీటెక్ కీబోర్డ్ కేసెస్

లాగీటెక్ ఐప్యాడ్‌కి సంబంధించిన రెండు కీబోర్డు కేసులను విడుదల చేసింది. ఒకటి ఆల్ట్రాథిన్ కీబోర్డ్ కవర్, రెండోది సోలార్ కీబోర్డ్ ఫోలియో. ఈ కీబోర్డులను బ్లూటూత్ ద్వారా ఐప్యాడ్‌కి కనెక్ట్ చేసుకోవచ్చు. ఆల్ట్రాథిన్ కీబోర్డ్ ఆరు నెలల బ్యాటరీ లైఫ్‌ని కలిగి ఉంటుంది. సోలార్ కీబోర్డ్ రెండు సంవత్సరాల వరకు ఎటువంటి ఆటంకం లేకుండా పనిచేయగలదు. వీటి ధర 6,599 రూపాయల నుంచి ప్రారంభమవుతాయి. 

ఫోసిల్ టైమ్ పీసెస్

చేతి వాచీల తయారీలో పాపులర్‌గా ఉన్న ఫోసిల్ కంపెనీ సరికొత్త టైమ్‌పీస్‌ల శ్రేణిని మార్కెట్‌లోకి ప్రవేశపెట్టింది. ఎఫ్‌ఎస్4734, ఎఫ్‌ఎస్4735, ఎఫ్‌ఎస్476 మోడల్ పేర్లతో లభిస్తున్న వీటి ధర 6,945 రూపాయల నుంచి ప్రారంభమవుతుంది. లైఫ్‌స్టైల్, షాపర్స్‌స్టాప్‌లాంటి స్టోర్‌లలో అందుబాటులో ఉన్నాయి.